மனித மூளை

                     மனித மூளை 

மனித மூளையும் அதன் செயல்திறனும் மற்றும் மூளையைப் பாதிக்கும் 10 செயல்கள்:- 

மனித மூளையும் அதன் செயல்திறனும் 

1. மூளையில் 100,000,000,000 (100 பில்லியன்) நியூரான் செல்கள் உள்ளன. நரம்பு மண்டலத்தில் உள்ள நியூரான்கள் உடலின் உணரும் செய்தியை மூளைக்கு கெமிக்கல் சிக்னல் மூலம் கொண்டுசெல்லும். மது (அல்கஹால்) நியூரானின் இணைப்பைத்தான் வலுவிழக்க செய்யும். 
... 
2. நாம் சுவாசம் மூலம் பெறும் ஆச்சிஜனில் 20 சதவிதம் மூளை மட்டுமே பயன்படுத்தும். மீதி தான் மாற்ற உறுப்புகள் பயன்படுத்தும். அதாவது நமது உடலில் 2 சதவீதமே உள்ள மூளை 20 சதவீதம் ஆக்சிஜனை பயன்படுத்துகிறது. 5 முதல் 10 நிமிடங்கள் ஆக்சிஜன் இல்லையெனில் மூளை செல்கள் இறக்க துவங்கிவிடும். 3. நாம் 11 வயதை அடையும் போதுதான் நம் மூளை முழுவளர்ச்சி அடைகிறது. இருந்த போதிலும் நாம் இருபது வயதை அடையும் போதுதான் முழுமையாக சிந்திக்க உதவுகிறது. நாம் 35 வயதை தாண்டும் போது ஒரு நாளைக்கு நம் மூளையில் உள்ள 7000 மூளை செல்கள் அழிந்துவிடுகின்றன மீண்டும் அந்த செல்கள் உருவாவதில்லை. 

4. நம்மை நாமே கிச்சு மூச்சு மூட்ட முடியாது. நம் மூளையின் ஒரு பகுதியான செரிபெல்லம் மூளையின் மாற்ற பகுதிக்கு எச்சரிக்கை செய்யும் நாமே நம்மை கிச்சு மூச்சு ஊட்டுவதாக. அதனால் மூளையின் மாற்ற பகுதிகள் கிச்சு மூச்சு மூட்டுவதை கண்டுகொள்ளாது. 

5. மூளை 80 சதவீதம் நீரால் (water) ஆனது. 

6. மூளை பகல் நேரத்தை விட இரவு நேரத்தில் அதிக சுறுசுறுப்பாகவும், சிந்தனை செய்யும் திறன் அதிகமாகவும் இருக்கும். 

7. அதிக stress மூளையின் நியாபக திறனையும் கற்றுகொள்ளும் திறனையும் குறைத்து விடும் 

8. நம் உடலில் உள்ள மொத்த இரத்தத்தில் 20 சதவீதம் மூளைக்கு மட்டுமே தேவையானதாகும். 

9. மூளைக்கு மூளையின் வலியை உணரமுடியாது. மூளையின் வலியை உணர மூளைக்கு அந்த இணைப்பே கிடையாது. எனவே தான் மூளை அறுவை சிகிட்சை செய்யும் போது நோயாளி முழித்து கொண்டே இருப்பார்கள். 

10. மூளை மிகவும் மெதுவானதாகும் (soft). பட்டர் வெட்டும் கத்தியை கொண்டே மூளையை வெட்டலாம். 11. மூளையில் இருந்து வரும் செய்திகள் நியூரான்களுக்கு இடையே செல்லும் வேகம் ஒரு வினாடியில் ஆயிரத்தில் ஒரு பங்கு. 

12. ஒவ்வெரு முறையும் நாம் நியாபக படுத்த நினைக்கும் செய்திகள் அல்லது சிந்தனை செய்யும் நிகழ்வுகளை 2 அல்லது அதற்க்கு மேற்பட்ட மூளை செல்கள் ஒன்றிணைந்து சேமித்து கொள்ளும் 

13. நாம் விழித்துகொண்டிக்கும் பொழுது நமது மூளை உருவாகும் மின்சாரத்தின் அளவு 25 வாட்ஸ், இதன் மூலம் ஒரு பல்ப்பை எரியவைக்கமுடியும். 

14. ரோலர் கோஸ்டர்ஸில் விளையாடும் போது மூளையில் இரத்தம் கட்டிக்கொள்ள (Blood clot) வாய்ப்புகள் அதிகம். 

மூளையைப் பாதிக்கும் 10 செயல்கள்: 

1. காலையில் உணவு உண்ணாமல் இருப்பது.: காலையில் உணவு உண்ணாமல் இருப்பவர்களுக்கு ரத்தத்தில் குறைவான அளவே குளுக்கோஸ் இருக்கும். இது மூளைக்குத் தேவையான சக்தியையும் தேவையான ஊட்டச்சத்துக்களையும் கொடுக்காமல் ஆக்கி, மூளை அழிவுக்குக் காரணமாகும். 

2.மிக அதிகமாகச் சாப்பிடுவது: இது மூளையில் இருக்கும் ரத்த நாளங்கள் இறுகக் காரணமாகி, மூளையின் சக்தி குறைவுக்குக் காரணமாகும். 

3. புகை பிடித்தல்: மூளை சுருகவும், அல்ஸைமர்ஸ் வியாதி வருவதற்கும் காரணமாகிறது. 

4.நிறைய இனிப்பு சாப்பிடுதல்: நிறைய இனிப்பான பண்டங்களை சாப்பிடுவது, புரோட்டின் நமது உடலில் சேர்வதைத் தடுக்கிறது. இதுவும்மூளை வளர்ச்சிக்கு பாதிப்பாகிறது.

 5. மாசு நிறைந்த காற்று: மாசு நிறைந்த காற்றை சுவாசித்தல், நமக்குத் தேவையான ஆக்ஸிஜனை நாம் பெறுவதிலிருந்து தடை செய்கிறது. மூளைக்கு ஆக்ஸிஜன் செல்லாவிட்டால், மூளைபாதிப்படையும். 

6.தூக்கமின்மை. நல்ல தூக்கம் நம் மூளைக்கு ஓய்வு கொடுக்கும். வெகுகாலம் தேவையான அளவு தூங்காமலிருப்பது மூளைக்கு நீண்டகாலப் பாதிப்பை ஏற்படுத்தும். 

7. தலையை மூடிக்கொண்டு தூங்குவது: தலையை மூடிக்கொண்டு தூங்குவது, போர்வைக்குள் கரியமிலவாயு அதிகரிக்க வைக்கிறது. இது நீங்கள் சுவாசிக்கும் ஆக்ஸிஜனை குறைக்கிறது. குறைவான ஆக்ஸிஜன் மூளையைப் பாதிக்கிறது. 

8.நோயுற்ற காலத்தில் மூளைக்கு வேலை கொடுப்பது: உடல் நோயுற்ற காலத்தில் மிக அதிகமாக மூளைக்கு வேலை கொடுப்பதும், தீவிரமாகப் படிப்பதும் மூளையைப் பாதிக்கும். உடல் சரியாக ஆனபின்னால், மூளைக்கு வேலை கொடுப்பதே சிறந்தது. 

9.மூளைக்கு வேலை கொடுக்கும் சிந்தனைகளை மேற்கொள்ளாமல் இருப்பது: மூளையை அதிகமாக உபயோகப்படுத்தும் சிந்தனைகளை மேற்கொள்வதால், மூளையில் புதுப்புது இணைப்புகள் உருவாகின்றன. அதனால், மூளை வலிமையான உறுப்பாக ஆகிறது. 

10. பேசாமல் இருப்பது: அறிவுப்பூர்வமான உரையாடல்களை மேற்கொள்வது மூளையின் வலிமையை அதிகரிக்கிறது.

திங்கள்கிழமை

சுப்பிரமணியபாரதியார்

பாரதியார் பிறந்தநாள்: டிசம்பர்-11, 1882

தமிழின் தலைமகன்களில் ஒருவரான பாரதியைக் 

கொண்டாடுவோம்

ஓடி விளையாடும் பாப்பாவாக நாம் இருக்கும்போது 

நம் அன்னையரிடமிருந்தும் அதற்குப் பிறகு ஆரம்பக் 

கல்வியில் பள்ளிக்கூடத்திலும் வாஞ்சையான 

தகப்பனைப் போல பாரதி நமக்கு அறிமுகமாகிறார். 

கூடவே, ‘அச்சம் தவிர், ஆண்மை தவறேல்’ என்று 

ஆத்திசூடி மூலமும், ‘ஒளிபடைத்த கண்ணினாய் 

வாவா…’ ‘அச்சமில்லை அச்சமில்லை’ போன்ற 

உத்வேகம் மிக்க முழக்கங்களாலும் பாரதி மேலும் 

நம்முள் ஆழமாக ஊன்றப்படுகிறார். அப்புறம், தேசப் 

பற்றுப் பாடல்கள், மொழிப் பற்றுப் பாடல்கள். 

அதற்குப் பிறகு பாரதி நம்முடன் திரைப்படங்கள் 

வழியாகவும் உறவு கொள்கிறார்.

பாரதியின் பல்வேறு பாடல்கள் திரைப்படங்களிலும், 

பாரதியின் பல்வேறு வரிகள் திரைப்படத் தலைப்பு 

களிலும் இடம்பிடித்திருக்கின்றன. நாவல்களுக்கோ 

கவிதைத் தொகுப்புகளுக்கோ தலைப்பு கிடைக்க

வில்லை என்றாலும் பாரதிதான் உதவிக்கு வருகிறார். 

அதுமட்டுமா? ‘தர்மத்தின் வாழ்வுதனை சூது கவ்வும்’ 

வரிகள் இல்லை என்றால், ஊழல் வழக்குகள் 

உள்ளிட்டவற்றில் கைதாகும் அரசியல்வாதிகள் என்ன 

செய்வார்கள் என்பதையே நினைத்துப்பார்க்க முடிய

வில்லை.இப்படியாக நம் சமூகத்தின் கலை, பண்பாடு, 

அரசியல் என்று எல்லாவற்றுக்கும் விதைநெல் 

களஞ்சியமாக பாரதி இருப்பது, எந்த அளவுக்கு நம் 

சமூகத்தில் இன்றியமையாத ஒருவராக அவர் 

இருக்கிறார் என்பதைக் காட்டுகிறது.ஆனால், பாரதி 

அவ்வளவு மட்டுமா? உண்மையான பாரதியை, 

அதாவது முழுமை பெற்ற (அல்லது முழுமையை 

முயன்ற) பாரதியை அறிந்துகொள்ள நாம் இன்னும் 

கொஞ்சம் பாரதிக்குள் பயணம் செய்ய வேண்டியிரு

க்கிறது. இந்தப் பயணத்தின் பாதி வழியில், ‘பாரதி

தான் என்ன?’ என்ற கேள்வி வரும்.

"சுடர் விடும் சொல்"ஒரே ஒரு சொல்லைத் 

தேடியவர்தான் பாரதி. ‘சொல் ஒன்று வேண்டும். தேவ 

சக்திகளை நம்முள்ளே நிலை பெறச் செய்யும் சொல் 

வேண்டும்’ என்று தவம் கிடந்தவர் தான் பாரதி. 

எதற்காக அந்த ஒரு சொல்லைத் தேடினார்? அந்த 

ஒரு சொல்தான் என்ன?அந்தச் சொல் உண்மையில் 

சொல் அல்ல; சுடர். ‘சொல்லில் விளங்கும் சுடரே 

சக்தி’ என்று பாரதி சொன்னது அதனால்தான். 

நவமெனச் சுடர் தரும் உயிரில் பாரதி அந்தச் 

சொல்லைக் கண்டுகொண்டார். சொல்லைச் சுடராக்கி 

அதில் உடல், பொருள், ஆவி அனைத்துக்கும் தீ 

மூட்டினார். அப்படித் தீ மூட்டாமல் பாதுகாப்பாக 

இருந்திருந்தால் வெறும் ‘குடும்பஸ்தன்’ கவியாகவே 

பாரதி மிஞ்சியிருப்பார். ‘புலன்களைக் குலைத்துப் 

போடும்’ விபரீத விளையாட்டின் மூலம் தன் 

உச்சபட்சக் கவித்துவத்தைச் சாதித்துக்கொண்ட 

பிரெஞ்சுக் கவிஞன் ரைம்போவைப் போலத்தான் 

பாரதியும்.நிலவொளிப் பாடகன் இத்தாலியக் கவிஞன் 

லெப்பர்டியின் கவிதைகுறித்து இதாலோ கால்வினோ 

இப்படிச் சொல்லியிருக்கிறார்: ‘அவர் கவிதைகளில் 

அதிசயம் என்னவென்றால், மொழியை அதன் 

சுமையிலிருந்து விடுவித்து, கிட்டத்தட்ட நிலவொளி

போல் ஆக்கிவிடுகிறார்.’ இது பாரதியின் கவிதை

களுக்கு முற்றிலும் பொருந்தும். பாரதியின் பல 

கவிதைகளை அர்த்தங்களுக்காக ரசிப்பதைவிட, 

கார்த்திகை அகல்போல அவை விடும் அமைதியான 

சுடருக்காக நாம் ரசிப்பதே அதிகம்.

‘காக்கைச் சிறகினிலே நந்தலாலா’என்ற பாடலை அது

சொல்லும் பிரபஞ்ச ஒருமைக்காக ரசிப்பதைவிட, 

அதன் கவித்துவ அமைதிக்காகத்தான் அதிகமாக 

ரசிக்கிறோம். பிய்த்துப் பிய்த்து அர்த்தம் காண 

முயலும்போது அந்தப் பாடல் தன் அழகை 

இழந்துவிடும், அதன் அர்த்தம் ஆழமானது 

என்றாலும்கூட. இந்தப் பாடலின் அழகே அர்த்தத்தை 

சொற்களின் வழியாக இல்லாமல் உணர்வின் வழியாக 

நமக்கு ஊட்டுவதுதான். புத்தரின் சாந்தமான முகம் 

நமக்கு உணர்த்துவது போன்றது இது. இதை 

உணர்ந்துகொள்ளும்போது பாரதியின் முக்கியமான, 

அறுதிப் பரிமாணத்தை நாம் உணர்ந்து கொள்கிறோம். 

இந்த இடத்தில் நமக்கு இரண்டு வகையான பாரதி 

கிடைக்கிறார். விட்டு விடுதலையாகத் துடிக்கும் 

பாரதியும் பிரபஞ்ச ஒருமை காணும் பாரதியும். 

உண்மையில், இந்த இரண்டு பாரதிகளுமே 

ஒருவருக்கொருவர் நிறைவு செய்பவர்களே. எனவே, 

விட்டு விடுதலையானதால் பாரதியால் பிரபஞ்ச 

ஒருமையைக் காண முடிந்தது என்றும் சொல்லலாம்.

ஞானியும் பித்தனும்பிரபஞ்ச ஒருமையைக் 

காணும்போது ஒரு பக்கம் ஞானிபோலவும் 

இன்னொரு பக்கம் பித்தன் போலவும் ஆகி

விடுகிறார் பாரதி. ஞானியின் குரலுக்கு வசன 

கவிதைகள் சாட்சியாவதைப் போல, பித்தனின் 

குரலுக்கு ‘ஒளியும் இருளும்’,‘ஊழிக் கூத்து’,‘காளி’ 

போன்ற கவிதைகளும், பாஞ்சாலி சபதத்தில் வரும் 

மாலை வருணனையும் சாட்சியாகின்றன.

பாஞ்சாலி சபதத்தில், அமைதியான மாலைப் 

பொழுதை பாஞ்சாலியுடன் ரசித்துக்கொண்டிருக்கும் 

அர்ஜுனனுக்கு ஒவ்வொரு கணமும் காளி கவிதை 

செய்வதாகப்படுகிறது. திடீரென்று, அர்ஜுனனுக்குள் 

பாரதி புகுந்துகொள்ள, பிதற்ற ஆரம்பிக்கிறான் 

அர்ஜுனன்:

“பார்! சுடர்ப் பரிதியைச் சூழவே படர் முகில்

எத்தனை தீப்பட் டெரிவன! ஓகோ!

என்னடீ யிந்த வன்னத் தியல்புகள்!

எத்தனை வடிவம்! எத்தனை கலவை!

தீயின் குழம்புகள்! - செழும்பொன் காய்ச்சி

விட்ட வோடைகள்! - வெம்மை தோன்றாமே

எரிந்திடுந் தங்கத் தீவுகள்! - பாரடீ!

நீலப் பொய்கைகள்! - அடடா, நீல

வன்ன மொன்றி லெத்தனை வகையடீ!

எத்தனை செம்மை! பசுமையுங் கருமையும்

எத்தனை! - கரிய பெரும் பெரும் பூதம்!

நீலப் பொய்கையின் மிதந்திடுந் தங்கத்

தோணிகள் சுடரொளிப் பொற்கரை யிட்ட

கருஞ் சிகரங்கள்! - காணடி யாங்கு

தங்கத் திமிங்கிலந் தாம்பல மிதக்கும்

இருட்கடல்! - ஆஹா! எங்கு நோக்கிடினும்

ஒளித்திரள்! ஒளித்திரள்! வன்னக் களஞ்சியம்!”

அமைதியான குளத்தின் மீது பெருமழை வீழ்ந்து 

குளத்தின் மேற்பரப்பைத் தத்தளிக்க வைப்பதுபோல் 

மொழியைத் தத்தளிக்க வைக்கிறார் பாரதி. மொழி 

பதறுகிறது; சாமியாடுகிறது. அர்த்தங்கள் மொழியை 

விட்டு ஓட, திகைப்பே அர்த்தமாகிறது. அந்தத் 

தத்தளிப்பை அப்படியே முன்வைக்கிறார் பாரதி. ‘நீல 

வன்ன மொன்றி லெத்தனை வகையடீ!’ என்று 

படிக்கும் போது, அடடா! அடடா! என்று பதற 

வைக்கிறாரல்லவா பாரதி. எப்படிப்பட்ட இயற்கை 

உபாசகர் அவர்!இயற்கையை காளியின் நடனமாகப் 

பார்த்தவர் பாரதி,அதனால்தான்,‘அத்தனை கோடிப் 

பொருளினுள்ளே நின்று வில்லை யசைப்பவளை - 

இந்தவேலை யனைத்தையும் செய்யும் வினைச்சியை’

என்று காளியைப் பாடுகிறார். சொற்கள் எப்படித் 

தாண்ட வமாடுகின்றன! குறிப்பாக, ‘வினைச்சி’

என்ற சொல்லைப் பாருங்கள். பாரதியைத் தவிர, 

வேறு யார் இந்தச் சொல்லை உருவாக்கியிருக்க 

முடியும்?

பிரபஞ்ச ஒருமை

இன்னொரு உருவம் அமைதியான பாரதி. “வேதம், 

கடல்மீன், புயற்காற்று, மல்லிகை மலர் -இவை ஒரு 

பொருளின் பல தோற்றம். உள்ளதெல்லாம் ஒரே 

பொருள், ஒன்று. இந்த ஒன்றின் பெயர் ‘தான்’ ” என்று 

சொல்லும் பாரதி. இதுதான் பிரபஞ்ச ஒருமை என்பது.

விட்டு விடுதலையாகாமல், பிரபஞ்ச ஒருமை 

காண்பது சாத்தியம் இல்லை. எவ்வளவு சுமைகளைத் 

தாங்கிக் கொண்டு திரிகிறோம்! குடும்பம், குடும்ப 

அட்டை, ஓட்டுநர் உரிமம், பாலிசி, தேர்தல்கள், 

தெரு, மொழி, இனம், தேசம், எல்லைக் கோடுகள்,

போர்கள்... எவ்வளவு ஒழுங்குகள்! எல்லாமே கடமை

களாகி நம் மேல் சுமை கவிந்துவிட்டது. ஒருவர் 

இவ்வளவு சுமைகளையும் சுமந்துகொண்டு கலந்து 

கொள்ளும் ஓட்டப் பந்தயத்தின் பெயர்தான் 

வாழ்க்கை என்றாகிவிட்டது.பாரதி இந்தச் சுமை 

தூக்கும் ஓட்டப் பந்தயத்தில் கலந்துகொள்ள 

விரும்பவில்லை. ‘விட்டு விடுதலையாகி’ 

சிட்டுக்குருவியைப் போல ‘எட்டுத் திசையும் பறந்து’ 

திரிந்து, ‘மட்டுப்படாதெங்கும் கொட்டிக் கிடக்கும் 

இவ்வானொளியென்னும் மதுவின் சுவையை’ 

உண்ணவே விரும்பினார். இதற்காகச் செய்ய 

வேண்டியதெல்லாம் ஒன்றே, ஒரு தொழிலே என்கிறார்:

“யானெதற்கும் அஞ்சுகிலேன், மானுடரே, நீவிர்

என்மதத்தைக் கைக்கொண்மின்; பாடுபடல் வேண்டா;

ஊனுடலை வருத்தாதீர்; உணவியற்கை கொடுக்கும்;

உங்களுக்குத் தொழிலிங்கே அன்புசெய்தல் கண்டீர்.”

அன்பு எல்லாவற்றிலிருந்தும் விடுவிக்கும். இதுதான் 

பாரதி இந்த உலகுக்கு அளிக்கும் செய்தி. இதனால்

தான் பாரதி நம் சமூகத்துக்கு மட்டுமல்லாமல் 

உலகத்துக்குமே கவியாகிறார்.

ஞாயிற்றுக்கிழமை

கல்பனா சௌலா,

விண்வெளிக்கு பயணம் செய்த இந்தியாவின் முதல் பெண்மணி என்ற பெருமைக்குரிய கல்பானா சாவ்லா, பல பெண்களுக்கு ஒரு முன் மாதிரியாகத் திகழ்கிறார் என்றால் அது மிகையாகது.

ஒரு சாதாரணப் பள்ளியில் படித்து, பலர் வியக்கும்படி தன் கனவுகளை ஒரு விண்வெளி பொறியாளராக வாழ்ந்துக் காட்டினார் கல்பனா சாவ்லா. 41வது வயதில் உலக மக்களின் நட்சத்திரமாகிப் போன ஒரு இந்தியப் பெண் வீராங்கனைகல்பனா சாவ்லா அவர்கள், இந்தியாவிலுள்ள ஹரியானா மாநிலத்தில் கர்னல் என்ற ஊரில் 1961ம் ஆண்டு யூலை1 திகதி, பனாரஸ் லால் சாவ்லாவுக்கும், சன்யோகிதா தேவிக்கும் மகளாக, ஒரு பஞ்சாபி குடும்பத்தில் பிறந்தார். இவருக்கு சுனிதா மற்றும் தீபா என்ற இரண்டு சகோதரிகளும், சஞ்சய் என்ற சகோதரனும் இருந்தனர்.கல்பானா சாவ்லா, தனது ஆரம்ப கல்வியை கர்னலில் உள்ள அரசு பள்ளியில் தொடங்கினார். 1982 ம் ஆண்டு சண்டிகரில் உள்ள “பஞ்சாப் பொறியியல் கல்லூரியில்” விமான ஊர்தியியல் துறையில் கல்விப் பயின்று இளங்கலைப் பட்டமும் பெற்றார்.

பின்னர், 1984ம் ஆண்டு அமெரிக்காவில் உள்ள “டெக்சாஸ் பல்கலைக்கழகத்தில்” விண்வெளிப் பொறியியல் துறையில் முதுகலைப் பட்டம் பெற்றார். 1986ல் பௌல்தேரில் உள்ள “கோலோரடோ பல்கலைக்கழகத்தில்” இரண்டாவது முதுகலைப் பட்டமும், பிறகு 1988ல் வெண்வெளி பொறியியல் துறையில் முனைவர் பட்டமும் பெற்றார்.1988ம் ஆண்டு, நாசா அமெஸ் ஆராய்ச்சி கூடத்தில் “ஒசெர்செட் மேதொட்ஸ் இன்க்யின்” துணைத்தலைவராக பணியாற்றிய அவர் வி/எஸ்.டி.ஓ.எல்இல் சி.எஃடி ஆராய்ச்சி செய்தார். விமானம் மற்றும் கிளைடர்களை ஓட்டக் கற்றுக்கொடுக்க தகுதிச் சான்றிதழ் பெற்றதோடு மட்டுமல்லாமல், ஓட்டவும் அனுமதி பெற்றிருந்தார். ஃப்க் க்ட்5ஏசி என்ற அடையாளத்துடன் தரும் டெக்னிசியன் கிளாஸ் அமெச்சூர் ரேடியோ அனுமதியும் பெற்றிருந்தார்.

1995ம் ஆண்டு நாசா விண்வெளி வீரர் பயிற்சிக் குழுவில் சேர்ந்த அவர், அடுத்த இரண்டு ஆண்டுகளில் “கொலம்பிய விண்வெளி ஊர்தியான எஸ்.டி.எஸ்-87இல் பயணம் செய்வதற்குத் தெரிவு செய்யப்பட்டார்.

1997 ஆம் ஆண்டு மேற்கொண்ட இந்த பயணத்தில், சுமார் 372 மணி நேரம் வெண்வெளியில் இருந்து சாதனைப் புரிந்து வெற்றிகரமாக பூமி திரும்பினார். இதன் மூலம் விண்வெளிக்குச் சென்ற முதல் இந்தியப் பெண் என்ற பெருமையும் பெற்றார்.முதல் விண்வெளிப் பயணத்தை வெற்றிகரமாக முடித்த கல்பனா சாவ்லா, அடுத்த ஐந்து ஆண்டுகளில் தன்னுடைய இரண்டாவது பயணத்திற்குத் தயாரானார். 2000 மற்றும் 2002ம் ஆண்டுகளில் மேற்கொள்ளகூடிய இந்த பயணம் பலதரப்பட்ட தொழில்நுட்பக் கோளாறுகளால் காலம் கடத்தப்பட்டது.

பின்னர், 2003ம் ஆண்டு ஜனவரி 16ம் திகதி விண்வெளி ஆராய்ச்சிக்காக, அமெரிக்காவின் கென்னடி நிலையத்திலிருந்து கொலம்பியா விண்கலம் எஸ்.டி.எஸ்-107அனுப்பி வைக்கப்பட்டது.

இந்திய வம்சாவளி பெண்ணாகிய கல்பனா சாவ்லா உள்ளிட்ட 7 பேர் அதில் பயணித்தனர். 16 நாள் ஆய்வை முடித்து வெற்றிகரமாக பூமிக்குத் திரும்பிய அவர்கள் சென்ற அந்த விண்கலம், அமெரிக்காவின் டெக்ஸாஸ் வான்பரப்பில் வெடித்துச் சிதறியது. கல்பனா சாவ்லா உள்பட ஏழு விலைமதிப்பற்ற விண்வெளி வீரர்களும் பலியாகினர்.

ஒரு சாதாரணப் பள்ளியில் படித்து, பலர் வியக்கும்படி தன் கனவுகளை நனவாக்கி வாழ்ந்து காட்டியவர் கல்பனா சாவ்லா. பெண்ணினத்தின் பெருமைக்கு எடுத்துக்காட்டாய் விளங்கிய அவர், இந்தியாவிற்கு உலகப் புகழ் சேர்த்தவர் என்றால் அது மிகையாகாது.

‘கனவுகளைக் கண்டு அந்த கனவுகளை நனவாக்குவதற்கு விடா முயற்சியோடும், முழுமனதோடும் செயல்பட்டால் வெற்றி நிச்சயம்’ என்ற உண்மையை உலகிற்கு உணர்த்தி சென்ற வீரப் பெண்ணை நாமும் போற்றுவோம்.

திங்கள்கிழமை

எனது வீடு,

புதன்கிழமை

எனது அம்மா

எனது அப்பா

செவ்வாய்க்கிழமை

எனது வீடு

தமிழ் மொழி

தமிழ் மொழி

தமிழர்களினதும், தமிழ் பேசும் பலரதும் தாய்மொழி ஆகும். தமிழ் திராவிட மொழிக் குடும்பத்தின் முதன்மையான மொழிகளில் ஒன்றும் செம்மொழியும் ஆகும்.

இந்தியா, இலங்கை, மலேசியா, சிங்கப்பூர் ஆகிய நாடுகளில் அதிக அளவிலும், ஐக்கிய அரபு அமீரகம், தென்னாப்பிரிக்கா, மொரிசியசு, பிஜி, ரீயூனியன், டிரினிடாட் போன்ற நாடுகளில் சிறிய அளவிலும் தமிழ் பேசப்படுகிறது.

தமிழ், தென் இந்திய மாநிலமான தமிழ் நாட்டின் பெரும் பான்மையினரதும், இலங்கையின் வடக்குக் கிழக்குப் பகுதிகளில் வாழும் மக்களதும் முதன் மொழியாகும்.

தமிழ், அதன் பல் வேறுபட்ட வட்டார வழக்குகளுக்கு மேலதிகமாக, இலக்கியங்களில் பயன்படும் முறையான செந்தமிழுக்கும், கொடுந்தமிழ் என வழங்கப்படும் பேச்சுத் தமிழுக்கும் இடையே தெளிவான இருவடிவத் தன்மை (diglossia) காணப்படுகின்றது

 இங்கே கொடுந்தமிழ் என்பது அனைத்து வட்டாரப் பேச்சுத் தமிழ் வழக்குகளையும் பொதுவாகக் குறிக்கும் ஒரு சொற் பயன்பாடு ஆகும்.இந்த இருவடிவத் தன்மை பண்டைக் காலம் முதலே தமிழில் இருந்து வருவதை, கோயில் கல்வெட்டுக்களிற் காணப்படும்

தமிழ், சமகால இலக்கியத் தமிழினின்றும் குறிப்பிடத் தக்க அளவு வேறுபட்டுக் காணப்படுவதினின்றும் அறிந்துகொள்ள முடியும். இவ்வாறு, செந்தமிழ் எந்த வட்டார மொழி வழக்கையும் சாராது இருப்பதனால், எழுத்துத் தமிழ், தமிழ் வழங்கும் பல்வேறு பகுதிகளிலும், ஒன்றாகவே இருப்பதைக் காணலாம் தமிழ், திராவிட மொழிக் குடும்பத்தைச் சேர்ந்த ஒரு மொழியாகும்.

தமிழ் இந்திய மாநிலமான தமிழ்நாட்டின் ஆட்சி மொழியாகும். அத்துடன் இந்திய அரசியலமைப்பின் எட்டாவது பட்டியலில் குறிப்பிடப்பட்டுள்ள 22 மொழிகளுள் ஒன்றாகவும் உள்ளது.

இலங்கையில் மூன்று ஆட்சி மொழிகளுள் தமிழும் ஒன்று. இந்தியாவில் தமிழ்நாடு மாநிலத்திலும் புதுச்சேரி ஒன்றியப் பகுதியிலும் தமிழ் அரச அலுவல் மொழியாக இருக்கிறது. சிங்கப்பூர் நாட்டிலும் நாடளாவிய மொழிகளுள் ஒன்றாகத் தமிழ் இடம் பெற்றுள்ளது. தென்னாபிரிக்காவிலும் தமிழுக்கு அரசியலமைப்பு அங்கீகாரம் உள்ளது.

மலேசியாவிலும் முதல் நான்கு ஆட்சி மொழிகளில் தமிழும் இடம் பெற்றுள்ளது. மலேசியாவில் தொடக்க இடைநிலைப்பள்ளிகளில் தமிழ் கற்பிக்கப்படுகிறது. நாடு முழுவதும் 523 தமிழ்த் தொடக்கப்பள்ளிகள் அரசுப் பள்ளிகளாக இயங்குகின்றன.

திங்கள்கிழமை

இணையம் (Internet)

இணையம் (Internet) 

என்பது உலக அளவில் பல கணினி வலையமைப்புகளின் கூட்டிணைப்பான பெரும் வலையமைப்பைக் குறிக்கும். இணைய நெறிமுறைகளைப் பின்பற்றி தரவுப் பறிமாற்றம் (பாக்கெட் சுவிட்சிங்) மடைமாற்றி மற்றும் திசைவியின் வழி நடைபெறும். இணையம் என்னும் சொல்லானது

செப்புக்கம்பிகளினாலும், ஒளிநார் இழைகளினாலும் இணைக்கப்பட்டுள்ள கணினி வலைகளின் பேரிணைப்பைக் குறிக்கும். உலகளாவிய வலை (world wide web) என்பது உலகளாவிய முறையில் இணைப்புண்ட கட்டுரைகள், எழுத்துக்கள், ஆவணங்கள், படங்கள், பிற தரவுகள் முதலியவற்றைக் குறிக்கும். எனவே இணையம் என்பது வேறு உலகளாவிய வலை என்பது வேறு. இணையத்தில் பல்லாயிரக்கணக்கான சிறிய வணிக, கல்வி நிறுவன, தனி நபர் மற்றும் அரசு சார் கணினி-வலையமைப்புகள்

இதன் உறுப்புகளாவன. மின்னஞ்சல், இணைய உரையாடல், காணொளி பார்த்தல், விளையாட்டு, மற்றும் ஒரு கட்டுரையில் இருந்து மற்றொன்றிற்கு மீயிணைப்புகள் மூலம் உலவல் வழி தொடர்புபடுத்தப்பட்ட இணையத் தளங்கள் முதலிய சேவைகளையும், உலகளாவிய வலையின் தரவுகளையும் இணையம் தருவிக்கின்றது.

முதலாவது TCP/IP முறையிலமைந்த வலையமைப்பானது ஐக்கிய அமெரிக்காவின் நேஷனல் சயன்ஸ் பவுண்டேசனில் ஜனவரி 1 1983 முதல் இயங்க ஆரம்பித்தது.

1990களில் இது பொதுமக்களின் கவனத்தை ஈர்த்தது.

ஞாயிற்றுக்கிழமை

கல்வி

கல்வி 

என்பது அறிவு, நல்லொழுக்கம், நுட்பத் தகைமை என்பவற்றைக் கற்றலையும், கற்பித்தலையும் குறிக்கும். இது திறன்கள், தொழில்கள், உயர்தொழில்கள் என்பவற்றோடு, மனம், நெறிமுறை, அழகியல் என்பவை சார்ந்த வளர்ச்சியையும் இலக்காகக் கொண்டுள்ளது.முறைசார்ந்த கல்வியில், தொழில்முறை ஆசிரியர்கள் கற்பித்தலிலும், பயிற்சி கொடுப்பதிலும் ஈடுபடுவர். இது கற்பித்தல் நுணுக்கங்களையும், பாடத்திட்டத்தையும் உள்ளடக்கியிருக்கும். ஒரு சுதந்திரமான கல்வி மரபில், ஆசிரியர்கள் தமது பாடங்களுக்காகப் பல துறை அறிவையும் பயன்படுத்துவர்.
 

சனிக்கிழமை

கல்பனா சௌலா

 கல்பனா சௌலா

கல்பனா சௌலா 1961 ஆம் ஆண்டு ஜூலை முதல் தேதி இந்தியாவின் ஹரியானா மாநிலத்திலுள்ள கர்னால் என்ற சிறிய நகரத்தில் பிறந்தார் .

சிறு வயதிலேயிருந்தே விண்வெளி பொறியாளராக வரவேண்டும் என்பதுதான் கல்பனாவின் விருப்பமாக இருந்தது.கர்னாவில் உள்ள தாஹூர் பள்ளியில் ஆரம்ப கல்வியை முடித்த கல்பனா சண்டிகாரில் பஞ்சாப் பொறியியல் கல்லூரியில் 1982 ல் இளங்கலை பட்டம் பெற்றார்.1984 ஆம் ஆண்டு டெக்ஸஸ் பல்கலைகழகத்தில் விண்வெளி பொறியியல் துறையில் முதுகலைப் பட்டம் பெற்றார்.

நான்கு ஆண்டுகள் கழித்து கொலோராடோ பல்கலை கழகத்தில் அதே பொறியியல் துறையில் முனைவர் பட்டம் பெற்றார்.

முனைவர் பட்டம் பெற்ற உடனேயே நாசா எனப்படும் அமெரிக்க விண்வெளி ஆய்வு நிலையத்தில் சேர்ந்தார்.

எளிய மொழியில் விளக்குவதற்கு சிரமமான சில ஆராய்ட்சிகளில் ஈடுபட்டார்.1993 ல் கல்பனா ஒரு தனியார் நிறுவனத்தில் ஆய்வு விஞ்ஞானியாக சேர்ந்தார்.ஜான்ஸன் விண்வெளி தளத்தில் பல்வேறு உடல் மருத்துவ பரிசோதனைகள், கடுமையான நேர்காணல்கள் ஆகியவற்றை கடந்து வெற்றிகரமாக தேர்ந்தெடுக்கப்பட்டார்

கல்பனா.1995 ல் பயிற்சி முடிந்து வின்வெளி வீராங்கணையாக தகுதி பெற்றார். அவரது முதல் வின்வெளி பயணம் 1997 ஆம் ஆண்டு நவம்பர் 19 ந்தேதி தொடங்கியது. ஆறு வீரர்களுடன் ப்ளோரிடாவில் கேப் கெனவரல் முனையிலிருந்து விண்ணுக்கு செலுத்தபட்டது கொலம்பியா வான்கலம். அந்த வான்கலத்தின் இயந்திர கரங்களை இயக்கும் முக்கிய பொறுப்பு கல்பனாவுக்கு தரப்பட்டது. 16 நாட்கள் விண்வெளியில் வானத்தையும் நட்சத்திரங்களையும் நலம் விசாரித்த கல்பனா 252 தடவை பூமியை சுற்றியதோடு சுமார் ஆறரை மில்லியன் மைல் தொலைவு பயணம் செய்தார்.

டிசம்பர் ஐந்தாம் நாள் ஆறு விண்வெளி வீரர்களும் வெற்றியோடு பூமிக்கு திரும்பினர். அன்றைய தினம் விண்வெளிக்கு சென்று வந்த முதல் இந்திய பெண் என்ற பெருமையை பெற்றார்

கல்பனா.முதல் வின்வெளி பயணத்தை முடித்த ஐந்து ஆண்டுகளில் மீண்டும் விண்ணுக்கு செல்ல கல்பனாவுக்கு அழைப்பு வந்தது. முதல் பயணத்தில் அவர்களை பத்திரமாக தரையிறக்கிய அதே கொலம்பியா வான்கலத்தில் 2003 ஆம் ஆண்டு சனவரி 16 ந்தேதி கல்பனா உட்பட ஏழு வீரர்கள் விண்ணுக்கு பாய்ச்சப்பட்டனர். பிப்ரவரி முதல் தேதிவரை அந்த பயணம் திட்டமிடப்பட்டிருந்தது. சுமார் 80 அறிவியல் ஆராய்ட்சிகளை அவர்கள் நடத்தினர்.

அந்த பதினாறு நாள் பயணத்தை முடித்துகொண்டு வெற்றிக்கரமாக தரையிறங்க பதினாறு நிமிடங்கள் இருந்தபோது கொலம்பியா வான்கலம் விண்ணில் வெடித்து சிதறியது. கல்பனா என்ற நம்பிக்கை பூ 41 வயதில் உதிர்ந்தது.

கல்பனாவின் விண்வெளி வெற்றியால் இன்று பலர் விண்வெளி கனவுகளை சுமந்துகொண்டு இருக்கின்றனர் இதுதான் கல்பனா இந்த உலகத்திற்கு விட்டு சென்ற சொத்து. அடக்கம் செய்யக்கூட அவரது உடல் கிடைக்காமல் போய்விட்டது . ஒரு சாதாரன பள்ளியில் படித்தும் பலர் வியக்கும்படி தன் கனவுகளை வாழ்ந்து காட்டினார் கல்பனா. இன்றைய மாணவர்களும் சிறந்த கல்வியோடு தன் கனவுகளை நோக்கி பயணித்தால் கல்பனாவைப் போன்று சாதிக்க முடியாதா?

வானத்தை கனவு கண்ட கல்பனா சாவ்லா அந்த வானத்தையே வசமாக்கிக்கொண்டதில் ஆச்சரியமில்லை. நாம் எல்லோரையும் விட வானத்திற்கு அருகில் சென்றுவிட்டு வந்தவர் கல்பனா. கனவோடு கலந்த உழைப்பும் முழுமனதோடு காரியத்தில் ஈடுபடும் பண்பும்தான் கல்பனாவை விண்ணுக்கு கொண்டு சென்றது. அவர் பிறந்த நமது இந்திய மண்ணுக்கு பெருமை சேர்த்தது. கல்பனா சாவ்லாவை கௌரவிக்கும் விதமாக நியூயார்க் நகரிலுள்ள ஒரு வீதிக்கு அவரது பெயர் சூட்டப்பட்டுள்ளது.

சனிக்கிழமை

திங்கள்கிழமை

ஞாயிற்றுக்கிழமை

சனிக்கிழமை

வெள்ளிக்கிழமை

சுப்பிரமணியபாரதியார்

1.பாரதியார் 1882 ம் ஆண்டு டிசம்பர் மாதம் 11ம் திகதி  திருநெல்வேலி மாவட்டத்தில்  உள்ள எட்டயபுரம் என்ற ஊரில் பிறந்தார்.

2.இவருடைய பெற்றோர் பெயர் சின்னசாமி, இலட்சுமி அம்மையார் ஆகும் .

3.இவருக்கு இவருடைய பெற்றோர் சூட்டிய பெயர் சுப்பிரமணியன் ஆகும்

4.ஆனால் இவருடைய செல்லப்பெயர் சுப்பையா ஆகும்.

5.இவர் தமது ஐந்தாம் வயதிலேயே தனது தாயை இழந்தார்.

6.  இவரது  11வது வயதில் (1893ம் ஆண்டு)  எட்டயபுரம் சமஸ்தானப் புலவர்கள் பெருஞ்சபையில் உள்ள புலவர்கள்  இவருடைய  புலமையை கேட்டு வியந்து இவருக்கு ‘பாரதி’ (கலைமகள்) என்ற பட்டத்தை வழங்கி கௌரவித்தனர்.

7.அன்று முதல் இவர் சுப்பிரமணிய பாரதியார் என்று அழைக்கப் பெற்றார்.

8.இவருடைய பதினோராம் வயதிலேயே இவருக்கு திருமணம் நடந்தது.

9.இவருடைய மனைவியின் பெயர் செல்லம்மாள் ஆகும் .

10. 1898-1902 வரை இவர் காசியில் அத்தை குப்பம்மாளுடன் வசித்து வந்தார்.

11.அப்பொழுது இவர் பல்கலைக்கழகத்தில் நுழைவுத்தேர்வில் தேர்ச்சி பெற்றார்.

12.இவர் காசி இந்து பாடசாலையில் சமற்கிருதமும், இந்தியும் பயின்றார்.

13.அதன் பின்னர் இவர் 1902ஆம் ஆண்டு எட்டயபுரத்தில் வந்து வசித்தார் .

14.மதுரையிலிருந்து வெளிவந்த விவேகபானு என்னும் இதழில் தனிமை இரக்கம் என்ற தலைப்பில் இவருடைய முதல்பாடல் அச்சேறியது.

15.1904 முதல் சுதேசமித்திரனில் உதவி ஆசிரியராகவும் ‘இந்தியா’ என்ற வார அத்துடன் இவர் இதழின் பொறுப்பாசிரியராகவும் பணியாற்றினார்.

16.சுதேசகீதம், நாட்டுப் பாடல், விடுதலைக் கும்மி எனப் பாடல்களை எழுதுவதில் ஆர்வம் காட்டுபவராகவும், தீவிர அரசியல்வாதியாகவும் விளங்கினார்.

17. தமது தீவிரமான கருத்துகளைச் சுதேசமித்திரனில் வெளியிட முடியாததால் சக்கரவர்த்தினி என்ற இதழைத் தொடங்கினார்.

18.ஆங்கிலேயர் அவரைக் கைது செய்ய முயன்றதால் அவர் புதுச்சேரிக்குச் சென்றார்.

19.பின்னர் தமிழகம் திரும்பினார். கைதும் ஆகி, விடுதலையானார்.

20.சென்னையில் அவரது வாழ்க்கையின் இறுதிக் கட்டம் அமைந்தது.

21.திருவல்லிக்கேணி பார்த்தசாரதி கோயில் யானையிடம் அன்பு காட்டிப் பழகி வந்தார்.

22.மதம் பிடித்திருந்த அந்த யானை அவரைத் துதிக்கையால் தூக்கி எறிந்தது.

23.காயமடைந்த பாரதியார் சிறிது சிறிதாகத் தேறினார்.

24.பிறகு நோய்வாய்ப்பட்டிருந்து 1921ஆம் ஆண்டு செப்டம்பர் 11ஆம் நாள் அவர் மறைந்தார்.

வியாழக்கிழமை

வெள்ளிக்கிழமைவாழ்த்துக்கள்